意思係捉錯路，無把握到事件嘅重點。
正解：
“用神”係八字命學嘅術語；八字命理中，要判斷一個人嘅命盤好壞，最基本就係睇盤中五行 (即：金、水、木、火、土) 是否中和平衡，是則好，否則壞。
如果某類五行對該人嘅八字命盤有利，就係“用神”，相反，不利嘅五行就係“忌神”。由於不同大運、流年、流月、流日都有不同強弱程度嘅五行，所以「捉用神」非常重要，亦係算命師可以為命主判斷到不同時期嘅運勢嘅依據。試想想，如果唔好彩遇到D九流算命師「捉錯用神」，都咪話唔大鑊！
事實上，香港人特別喜歡講「捉錯用神」，就連本地兩大作詞人林夕 同 黃偉文嘅作品中都見到，分別係：王菲嘅《暗湧》、楊千嬅嘅《傻仔》。
俗語、諺語、俚語、成語講得多，用得多，總會放啲喺褲袋以備不時之需，但大家知唔知，其實當中嘅詞彙好多來自風水玄學？