自玄其說5:扭盡六壬
玄學

自玄其說5:扭盡六壬

意思係,用盡您所學所識嘅所有方法(去解決一件事)。

正解:

六壬即係《六壬神數》,係戰國初期被普遍運用嘅占卜術,與《奇門遁甲》、《太乙神數》合稱三式,係中國古代術數中嘅三大秘術,古代身為軍師都精通此三術。六壬盤分天盤和地盤,地盤係固定不能轉動嘅,用來睇時令和方位;天盤可以扭動,用來測天象變化。術者占卜時,以左手扭動天盤與地盤嵌對,預測未來凶吉,俗稱扭六壬!

由於六壬神數以古天文系統為骨幹,要先定地盤、天盤,再定干支四課,看主客關係,又要發初、中、末三傳,分析事件之開始、發展及最終結果,再配合十二天將、貴人、祿馬等以推類象,可謂環環緊扣,首尾呼應,不過亦好 Q 煩複😭!所以,扭盡六壬天地盤,就係為咗要變化出不同結果,搵下邊個策略最合適用作趨吉避凶,故而引申指用盡所有辦法,而去扭轉逆數。

所以,今時今日,扭六壬意思就係比喻好似古人咁,嘗試搵下有冇合適嘅策略去解決問題。

俗語、諺語、俚語、成語講得多,用得多,總會放啲喺褲袋以備不時之需,但大家知唔知,其實當中嘅詞彙好多來自風水玄學?

author-avatar

About 韋言真

忠於玄學、佛學,言出必真的韋言真師傅,生於汶萊,祖籍海南,3歲隨父母來港定居。自小已醉心風水易學命理的言真師傅,研習玄學及堪輿學多年,深得秘傳及豐富實踐經驗,客戶來自各行各業如飲食、服裝、零售、演藝、建築、金融、法律、醫療、媒體、教育、賭業等等。 >>了解更多 ||

發佈留言

發佈留言必須填寫的電子郵件地址不會公開。 必填欄位標示為 *